ბიოგრაფია

ქართველი მხატვარი, გეტმან თოფურია დაიბადა თბილისში, საქართველოში 1941 წელს. 1960 წელს დაამთავრა თბილისის სამხატვრო ტექნიკუმი, ხოლო 1967 წელს - თბილისის სახელმწიფო სამხატვრო აკადემიის ფერწერის ფაკულტეტი. სოცრეალიზმის მკაცრი მოთხოვნის შესაბამისი რეალისტური ფერწერის პარალელურად იგი სწავლობდა იმპრესიონიზმისა და მოდერნიზმის გამომსახველობით ხერხებს.

ის იყო საქართველოს საბჭოთა სოციალური რესპუბლიკის მხატვართა საზოგადოების - მხატვართა კავშირის წევრი. გეტმან თოფურია მონაწილეობდა საბჭოთა რესპუბლიკურ სავალდებულო გამოფენებში და ასრულებდა სახელმწიფო დაკვეთებს სოცრეალიზმის თემაზე. თუმცა, პარალელურად ხატავდა ახლობლების პორტრეტებს, პეიზაჟებს, აბსტრაქციებს და შიშველ ფიგურებს. ეს სურათები მხატვარმა მზის სინათლეზე საქართველოში საბჭოთა მმართველობის დასრულების შემდეგ გამოიტანა. 1991-1992 წლებში გეტმან თოფურიამ მოაწყო პერსონალური გამოფენები იტალიაში - ბრეშიასა და მილანის გალერეებში. მისი ნამუშევრები მალევე დიდი წარმატებით გაიყიდა და კერძო პირების კოლექციებში დაბინავდა. მისი ნამუშევრები შესრულებულია ზეთში, ტემპერაში, პასტელში, აკვარელსა და ფანქარში.

2017 წელს გეტმან თოფურიამ შეწყვიტა მუშაობა დემენციით გამოწვეული მენტალური პრობლემების გამო. მართალია ის ვერ ცნობს ოჯახის წევრებს, მაგრამ ცნობს ყველა თავის ნამუშევარს. რაკი დროის შეგრძნება აღარ გააჩნია, მას ჯერაც ჰგონია, რომ ყოველ დღე ხატავს...